Webtaxi: 2,5 Euro pro Kilometer an ecolgesch
10.07.2012, 08:53 | Fir d'lescht aktualiséiert: 10.07.2012, 12:24
Et gëtt e neit Konzept fir Taxien. Zwou Entreprisen hu sech zesummen gedoen an offréieren en Eco-Taxi mat enger transparenter Präistabell.
Vun nächste Méindeg un gëtt et offiziell eng nei Entreprise um Lëtzebuerger Taxismarché, déi sech eppes virgeholl huet. Voyages Emile Weber a Benelux Taxis hu sech zesummegedoen an e "Webtaxi" krééiert. De Präis gëtt dobäi op Basis vum kierzt-méiglechste Wee berechent!
2,5 Euro Basistarif plus 2,5 Euro pro Kilometer. Stau oder vill rout Luuchten ginn net als Supplément verrechent. De Client weess also am Viraus, wat et wäert kaschten. Schwéierpunkt ass d’Stad Lëtzebuerg, mä et wëllt een och landeswäit aktiv sinn! Et handelt sech dann exklusiv em Hybridgefier a sollen den neien Ecolabel vun der Stad Lëtzebuerg kréien.
De Präis wier bis zu 30 Prozent ënnert deem aktuell üblechen Tarif, huet et haut op enger Pressekonferenz geheescht.
Weider Artikelen
23. Mee 18:05 - Amnesty kritiséiert d'EU fir hir Asylpolitik
23. Mee 17:56 - Enn 2012 waren 6.300 Studenten op der Uni Lëtzebuerg ageschriwwen. Dat waren 600 méi wéi nach 2011.
23. Mee 16:58 - De Chef vun der Lëtzebuerger Delegatioun mengt, dass Lëtzebuerg gudd Chancen huet vir beim Medaillespigel ganz uewe ze stoen.