Multi-Kulti Lëtzebuerg. Klappt dat ?
17.04.2012, 11:30 | Fir d'lescht aktualiséiert: 16.01.2013, 14:34 | 0 Commentaire(n)
Haut um Donneschden den 19. Abrëll ass den „Tolerance Day“ op Eldoradio. D’Redaktioun ass dowéinst eraus gaangen bei hier Nolauschterer fir op den verschiddensten Platzen ze kucken wei d’Zesummeliewen a Schaffen funktionéiert - oder net funktionéiert. Mir waren a Jugendhaiser, um Park&Ride, beim Affekot, der Chamber, beim Historiker, am Internet, op d’Geriicht an an d’Musek-Proufsäll.
Lauschtert hei nach eng Kéier all d'Reportagen zum Tolerance-Day:Firwat gëtt et den Tolerance-Day op Eldoradio? Wei schätzen sech d'Lëtzebuerger selwer an gëtt et ëmmer méi Auslänner déi zu Lëtzebuerg fir Strofdoten responsabel sinn? Äntwerten an der Morningshow XL:
Eise Reporter Raoul war mam Mikro ënnerwee an huet probéiert erauszefannen wat déi Jonk zum Thema Toleranz ze soen hunn. Hu si schonn Intoleranz erlieft? Si si selwer tolerant? Betrëfft dat Thema si iwwerhaapt? Am Jugendhaus River a Clausen krut hien folgend Äntwerten:
All Dag kommen ronn 150.000 Frontalier'en op Lëtzebuerg fir hei ze schaffen an hieren Dag hei ze verbréngen. Eise Reporter Raoul stoung Moies ganz frei am Reen um P&R an huet probéiert erauszefannen wat d'Frontalier'en vu Lëtzebuerg halen a wéi si sech hei empfaange fillen:
Och an der Musik gëtt d’Thema „Toleranz“ behandelt. Mat Hëllef vu Nouten an Texter kann een besonnesch gutt kriddleg Themen uschwätzen – Ënnerdréckung vu Schwaachen, sozial Mëssstänn déi fir Onroue suergen, verfollegt Randgruppen, ongerecht Decisiounen an der Weltpolitik, alles Themen déi couragéiert Artisten dozou bruecht hu, Lidder ze schreiwen:
Eng Plaatz wou Toleranz vun villen jo dacks serieux op d’ Prouf gesat gëtt ass den Internet, an méi speziell de Facebook. Ëmmer nees liest een grad do jo Commentairen, déi ganz no un Rassismus Grenzen. Bis wouhinner sinn Commentairen um sozialen Netzwierk dann legal, spréch, wéini kann een sech mat wéi engen Aussoen strofbar maachen?! Doriwwer huet sech de Joël mat engem Affekot, dem Maître Thierry Reisch ënnerhalen...
Wei gesäit d'Politik d'Problematik em Rassismus zu Lëtzebuerg? Wat gëtt dergéint gemaach? Besteet d'Gefor dass nationalistesch Parteien opkommen?
Mee ass Rassismus an Friemefeindlechkeet iwwerhaapt e neien Phänomen zu Lëtzebuerg? Nee, seet den Historiker an Expert Lucien Blau am Gespréich mam Paul. Zu Lëtzebuerg gouf et och schon virun 100 Joer en Haass op d'Auslänner an d'Argumenter hu kaum changéiert...
Wëll d'Toleranz e wichtegt Thema ass, fillen och vill Prominenter sech betraff an ënnerstëtzen den Tolerance Day op Eldoradio. Lauschtert hei hier Messagen:
Jacques Santer, Éierestaatsminister:
David Fluit, Museker bei De Läb:
Serge Tonnar, Artist:
Olivier Catani, Tëlés-Presentateur:
Gusty Bausch, Sportler:
David Goldrake, Illusionnist:
Paul Hammelmann, Affekot:
0 Commentaire(n) - Gidd Äre Commentaire hei of!
Äre Commentaire